Psalm 23 in Doric.

(Note: In this Community Singing version, the first verse is repeated as a chorus.)

The Lord is ma Shepherd; I’ll nae wint for nithin.
He couries me doon in the green girss o hame.
Like sparklan waters, He caa’s me te quietness;
He bosies ma saul back tae lyfe jist e same.

Chorus:
The Lord is ma Shepherd; I’ll nae wint for nithin.
He couries me doon in the green girss o hame.
Like sparklan waters, He caa’s me te quietness;
He bosies ma saul back tae lyfe jist e same.

Fur ‘is Name’s sake He leads me through stracht an richt pathweys,
Though I gyang by the Glen o Daith’s Shadaw forbye.
I’ll fear me nae evil: Yer crummock will curb me,
But Yer crook will gie comfort, for Ye’re waulkin nigh.

Chorus

Ma table ye’ve set oot afore aa ma faes, Lord.
Wi Ile o anointan, Ye’ve blissit ma croon.
Ma quaich’s rinnan ower an Gweed an Luiv chase me
Aa ma days till Yer Hoose, far, fur aye, I’ll lay doon.

Chorus

Trans.  By Bruce Gardner

Tune: “Fearless Four” by Bruce Gardner, arr. Finlay Morse