Psalm 24 in Doric

Psaulm Twinty-Fower

The Land belangs unte the LORD

And aa that it brings furth;

Likewise te Him belangs aa fowk

That bide upon the Earth:

2. For by the borders o the seas

Its foonds laid oot did He,

Establish’t it by michty water-

Courses, siccarly.

3. Fa’ll gyng up the LORD’s hill? Fa will

Stand in His haly place?

4. He fa has unstain’t hands, fa’s hert

Is purify’t by grace.

Fa hasna liftit up his saul

Te worthless vanity,

Nor will tell lees, file under aith,

In swickin treachery.

5. Oot o the presence o the LORD,

He’ll get fit comes te bless,

Includin, fae his Saviour God,

The gift o richteousness.

6. Iss is the generation

That efter Him inquire.

Fa seek Yer face, O Jacob’s God

Wi their hale hert’s desire.           Selah

7. Ye gates, lift up yer heids, ye doors,

That stand eternally!

Be liftit up, sae that the King

O Glory enter may!

8. The King o Glory, fa is He?

The MICHTY LORD is this!

Ev’n that same LORD, that great in micht

And strang in battle is.

9. Ye gates, lift up yer heids, ye doors,

That stand eternally!

Aye, lift ye up, sae that the King

O Glory enter may.

10. But fa is He that is the King

O Glory? Fa is iss?

The LORD o Hosts and nene but He

The King of Glory is.                        Selah.

2017, 2019 Bruce Gardner.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.